Debido á crecente demanda de alumnado interesado en obter titulacións acreditativas de nivel de linguas estranxeiras, o noso centro conta coa colaboración dunha auxiliar de conversa, unha profesora nativa que se encarga de impartir cursos de linguas ao alumnado interesado en practicar e perfeccionar o inglés nun ambiente distendido ao mesmo tempo que se prepara para a obtención do certificado ISE (Integrated Skills in English) outorgado por Trinity College London.

Durante todo o curso académico, o centro organiza actividades complementarias propias para os ciclos formativos plurilingües, co obxectivo de fomentar o traballo en grupo, o deporte ao aire libre e o uso do inglés como lingua vehicular en contornas distintas ás puramente académicas.

Algunhas das actividades ofrecidas son:

  • Servizos informáticos na rede
  • Apliacións informáticas adminstrativas
  • Robótica con Echidna, Arduino e Raspberry Pi
  • Comercio electrónico
  • Aplicacións informáticas fiscais
  • Impresión 3D
  • Arduino e IOT
  • Programación PHP
  • Programación estruturada
  • Clube de robótica
  • Cursos de Inglés
  • Preparación ao exame de capacitación lingüística B1 e B2 (Inglés)