O 14 de octubre Alberto Sanjurjo alumno de CM Xestión impartió unha charla sobre Síndrome de Asperger relatando as súas experiencias baixo o título: “todos somos diferentes y eso es genial”Alberto todo un experto en explicar as características clínicas do TEA en primeira persoa, axudándonos a comprendelas.

Escoitalo foi motivo de moito orgullo e ledicia.

Xuntos creamos unha sociedade mais diversa, formada e empática.

Un ano máis decidimos darlle a benvida a unha época tan querida como é a de Entroidos. Interrompemos a actividade lectiva durante unhas horas para dedicarnos a gozar de todo o que nos permite ese doce momento.

O alumnado do noso centro terá a posibilidade de obter os diplomas de capacitación linguísta de acordo ao nivel para o que se prepararon (B1, B2 ou C1) durante a segunda semana de febreiro (do 10 de febreiro ao 15 de febreiro). O exame consta de dúas parte:

• Parte oral: Speaking y listening
• Parte escrita: Reading y writing

Vos desexamos moita sorte!

Comeza o curso de comercio electrónico para o noso alumnado dos ciclos de CM Xestión Administrativa e  CS Administración e finanzas. Este curso permitiralles ver aspectos de lexislación, técnico e de xestión dunha tenda  online. Terá a oportunidade de crear a súa propia tenda para simular vendas, márketing e análise web.

Con motivo do día conmemorativo do Día da Paz e a Non Violencia e dentro do marco das seccións bilingües proposto para o mes de xaneiro, o  xoves 30/01  a alumnado de FPBásica está a traballar con carteis que visualicen a temática.

O propio día está previsto organizar un debate no que participarán todos os grupos de FPBásica baixo o lema “Resolvendo conflitos”.

Echidnashield é un proxecto open source no que está directamente implicado profesorado do noso centro. a principal característica deste proxecto é o de achegar á programación de Arduino a alumnado con coñecementos técnicos iniciais. Por iso que este curso está organizado para o noso alumnado de 2º de FP Electricidade e Electrónica.
Non só proporcionaralles coñecemento de programación en contorna  arduino senón que tamén lles permitirá atopar un campo de aplicación aos coñecementos de electricidade e electrónico que están a adquirir no ciclo.

O día 19 de decembro, e co fin de pechar o primeiro trimestre de forma lúdica, celebrarase o II Torneo Egaming DANIEL CASTELAO. É un torneo totalmente organizado polo noso alumnado, que elixe os xogos, planifica as regras e organiza os equipos; pero tamén é un torneo que supón un reto técnico para o alumnado dos nosos ciclos de CS de informática e do que, estamos seguros, sairá reforzado.

Este curso dirixido aos cursos de 2º de CM Xestión Administrativa e  CS Administración e Finanzas ten como obxectivo o de completar a formación recibida nas aula nun aspecto moito máis tecnolóxico do que o permite o ciclo así como transmitir unha información máis completa das aplicacións presentes no mercado e relacionadas co mundo da xestión administrativa.